Bulqizë/ Vodhi gjatë natës një shumë parash në një dyqan, kapet autori 30-vjeçar

Policia e Bulqizës ka vënë në pranga një 30-vjeçar, i dyshuar për një vjedhje të ndodhur gjatë natës në një dyqan në qytet.

Shtetasi me iniciale B. D., banues në Bulqizë dhe i dënuar më parë për të njëjtën vepër penale, u arrestua në flagrancë pasi dyshohet se ka vjedhur një shumë parash në dyqanin e një shtetaseje 56-vjeçare.

Falë reagimit të shërbimeve të Komisariatit të Policisë Bulqizë, autori u identifikua dhe u kap, ndërsa shuma e parave e vjedhur iu sekuestrua si provë materiale.

Materialet procedurale i janë referuar Prokurorisë së Dibrës për veprime të mëtejshme, ndërsa 30-vjeçari do të përballet me akuzën për veprën penale “Vjedhja”.