Pas pengjeve të Hamasit, lirohen mbi 150 të burgosur palestinezë

154 të burgosur palestinezë, të cilët kishin vuajtur dënime të gjata në burgjet izraelite, janë deportuar drejt Egjiptit, sipas Shoqatës së të Burgosurve Palestinezë.

Autoritetet izraelite kishin kërkuar që të burgosurit e dënuar për vepra të dhunshme të mos lejoheshin të ktheheshin në Bregun Perëndimor apo në Rripin e Gazës, por të deportoheshin në vende të treta.

Ndërkohë, qindra palestinezë të tjerë janë rikthyer në Gaza të hënën, pas lirimit nga paraburgimi izraelit. Turmat u transportuan me autobusë, të shoqëruar nga kamionë që mbanin burra të armatosur dhe të maskuar, disa prej të cilëve qëllonin në ajër.

Të paraburgosurit u dërguan në spitalin Nasser në jug të Gazës për kontroll mjekësor dhe trajtim.

Sipas autoriteteve palestineze, në total ishin 1,718 persona të ndaluar nga forcat izraelite në Gaza gjatë dy viteve të fundit që pritej të liroheshin. Asnjëri prej tyre nuk kishte qenë i akuzuar zyrtarisht.

LEXONI GJITHASHTU:

• Trump përshëndet fundin e luftës Hamas-Izrael: Triumf i jashtëzakonshëm
• Netanyahu pas arritjes së paqes: Emri Trump do të gdhendet në historinë e njerëzimit