Trump firmos Planin e Paqes për Gazën pas lirimit të pengjeve

Presidenti Donald Trump, së bashku me udhëheqës të tjerë rajonalë, nënshkroi marrëveshjen e paqes në Gaza gjatë një samiti në Sharm el-Sheikh të Egjiptit, duke e cilësuar atë si një “nënshkrim shumë të rëndësishëm”.

Presidenti, duke u dukur i kënaqur që po drejtonte samitin, falënderoi stafin dhe ndihmësit e tij për arritjen e asaj që ai mendonte se do të ishte marrëveshja “më e vështirë” për t’u arritur.

“Është marrëveshja më e madhe dhe më e ndërlikuar, por edhe vendi që mund të çonte në probleme të jashtëzakonshme, si Lufta e Tretë Botërore. Gjithmonë është thënë se Lufta e Tretë Botërore do të niste në Lindjen e Mesme — dhe kjo nuk do të ndodhë”, tha Trump.

Ai tha se më pas do të mbante një fjalim përpara se të takohej privatisht me udhëheqësit.

“Ne kemi arritur atë që të gjithë e mendonin të pamundur, më në fund, kemi paqe në Lindjen e Mesme”, vazhdoi ai, duke shtuar: “Është kaq e bukur të shohësh një ditë të re dhe të bukur që po agon. Dhe tani fillon rindërtimi”.

Trump shprehu “mirënjohjen e tij të jashtëzakonshme për vendet arabe dhe myslimane” të cilat, siç tha ai, “ndihmuan në bërjen e këtij përparimi të jashtëzakonshëm të mundur”.

🇺🇸🇪🇬‼️ÚLTIMAS NOTÍCIAS: O presidente Trump discursando direto do Egito acompanhado por líderes do mundo todo, em meio à oficialização da paz em Gaza.

“Juntos, alcançamos o que todos diziam ser impossível. FINALMENTE, temos PAZ no ORIENTE MÉDIO.”

“Ninguém imaginava que… pic.twitter.com/0g4dSZeRcZ

— Conservatism And Elegance 🇺🇲 (@ThayzzySmith) October 13, 2025