Operacioni me 14 të arrestuar në Elbasan, sekuestrohen armë dhe pajisje policie

Një operacion i mirëorganizuar i Policisë së Elbasanit në bashkëpunim me Forcat e Posaçme “Shqiponja” dhe ato Operacionale, nën drejtimin e Prokurorisë, ka çuar në finalizimin me sukses të aksionit të koduar “Fast”, i fokusuar në goditjen e veprimtarisë kriminale në fushën e armëmbajtjes pa leje.

Si rezultat, u arrestuan në flagrancë 14 shtetas këtë hënë, të gjithë me precedent të theksuar penal në fushën e krimeve kundër personit dhe narkotikëve. Ata u kapën në një lokal në fshatin Bradashesh, në pronësi të një prej të arrestuarve, shtetasit T.Z., ku shërbimet e policisë ndërhynë menjëherë pas marrjes së informacioneve operative.

Çfarë u sekuestrua gjatë operacionit?

Gjatë kontrolleve në lokalin dhe banesat e të arrestuarve, policia sekuestroi:

1. 3 armë zjarri tip pistoletë dhe municion luftarak

2. Pajisje elektroshot (dorezë neuroparalizuese)

3. 4 radio komunikimi si ato të Policisë

4. Jelek me mbishkrimin “Policia”

5. Send metalik dhe objekt sinjalizues në formë pistolete

6. Thikë, shkop metalik, DVR, 13 celularë, 4 automjete dhe një shumë parash

Të arrestuarit janë identifikuar si Endri Doda, Ervin Cani, Akil Kërtusha, Blerim Heta, Maksim Suci alias Lika, Stefan Mehmeti, Ergys Tusha, Jurgers Mullahi dhe Hanson Mullahi. Mes tyre janë edhe ish- kandidati për deputet Bujar Muça.