Trump: Bëmë një marrëveshje me Hamasin, nëse nuk sillen mirë do t’i eliminojmë

Presidenti amerikan, Donald Trump në një deklaratë nga Shtëpia e Bardhë teksa priti kryeministrin australian Tony Albanese foli lidhur me Hamasin. Trump u shpreh se Hamasi duhet t’i përmbahet marrëveshjes së armëpushimit në Gaza përndryshe do të pësojë pasoja të rënda.

“Kemi një problem me Hamasin. Ky problem do të zgjidhet shpejt, sepse ata po e shkelin marrëveshjen”, tha ai.

Trump theksoi se me ata bënë një marrëveshje dhe se duhet të sillen mirë. Nëse nuk e bëjnë, Trump paralajmëroi se do t’i eliminojë.

“Ata bënë gjëra që nuk duhet t’i kishin bërë dhe nëse vazhdojnë t’i bëjnë, ne do të ndërhyjmë dhe do t’i korrigjojmë. Kjo do të ndodhë shumë shpejt dhe në një mënyrë mjaft të dhunshme”, shtoi ai.

Trump:

We made a deal with Hamas — they’re going to behave, be nice.

If they’re not, we’re going to eradicate them. They’ll be eradicated, and they know that.

I don’t believe it was leadership. Some rebellion among themselves — and they killed some people. pic.twitter.com/ZDqbbaubiY

— Clash Report (@clashreport) October 20, 2025