Donika Emini i cilëson konfuze qëndrimet e ministres së Jashtme të Kosovës

Donika Emini, analiste politike, shprehet se qeveria “Kurti” po shfaq të njëjta probleme si në qeverinë e kaluar sa i takon politikës së jashtme. Sipas saj, qëndrimet kanë qenë konfuze dhe gjithashtu e konsideroi të gabuar tërheqjen e 12 ambasadorëve.

Qëndrimet e ministres së Jashtme, Donika Gërvalla i konsideroi të tepruara duke iu referuar qëndrimeve për konfliktin Izrael-Palestinë apo thirrjen drejtuar SHBA-ve për të ndërhyrë në Rusi.

“Në konfliktin mes Izraelit dhe Palestinë u tentua me nxjerr njëfarë balancimi por doli qesharake. Kërkon ndërhyrje të SHBA nëRusi. Mjafton që politika e jashtme të jetë në një linjë me BE dhe SHBA, nuk ka pse Kosova mban qëndrim mbi gjithçka ndodh në botë”, deklaroi znj. Emini.

Për tërheqjen e ambasadorëve, analistja thotë se po i shkaktohet një dëm i madh Kosovën kur pritet liberalizimi i vizave.

“Emërimi i ambasadorëve të rinj është problematike dhe merr kohë. Ne kemi mbetur pa ambasadorë në Gjermani, Francë dhe Holandë, tre vende kyçe ku merren vendime në BE. Tani që presim liberalizim të vizave ne nuk kemi ambasador në këto tri vende”, tha znj. Emini.

Gjithashtu Donika Emini foli edhe për qëndrime konfuze në politikën e jashtme të Kosovës sa i takon çështje të rëndësishme siç janë minischengen apo Marrëveshja në Shtëpinë e Bardhë mes Kosovës dhe Serbisë.

“Lëvizja e lirë është një marrëveshje e nxitur prej BE. Pse me dërgu mesazhe kaq konfuze tek qytetarët, e mbështesim nuk e mbështesim. Duhet me qenë të sinqertë me publikun dhe qytetarët, vetëm kështu mundet me rikthy besimin tek institucionet,” – tha Emini.

LEXONI GJITHASHTU:

• Analistët gjykojnë si thelbësore vendosjen në dialogun me Serbinë njohjen e Kosovës
• Adri Nurellari: Kurti po tenton dialog me Serbinë me ide të shteruara
• Akri Çipa analizon mundësinë që ka Kosova për të paditur Serbinë për gjenocid
• Dialogu Kosovë-Serbi, Robelli: Përfshirja e SHBA mund të përshpejtojë një “zgjidhje të kënaqshme”
• Gazetari Egro: Ministrave të qeverisë së Kosovës do t’u duhet kohë të kuptojnë se çfarë po bëjnë