Tragjedi në Uganda, 63 persona humbin jetën në një aksident të shumëfishtë

63 persona kanë vdekur pasi disa automjete u përplasën në një autostradë kryesore në Ugandë, tha policia të mërkurën.

Dy autobusë që udhëtonin në drejtime të kundërta u “përplasën ballë për ballë” ndërsa përpiqeshin të parakalonin dy automjete të tjera – një kamion dhe një makinë – në autostradën Kampala-Gulu në orën 00:15 sipas kohës lokale, sipas Forcës Policore të Ugandës.

Njëri nga autobusët u devijua në një përpjekje për të shmangur një përplasje, por gjatë këtij procesi shkaktoi një “përplasje ballë për ballë” që çoi në një “reaksion zinxhir” në të cilin automjetet e tjera humbën kontrollin dhe u përmbysën.

Përveç viktimave, pasagjerët e automjeteve të përfshira dhe disa të tjerë u plagosën, tha policia.

Autostrada midis kryeqytetit Kampala në jug dhe qytetit verior Gulu është një nga më të ngarkuarat në vend.

Pas aksidentit, policia u bëri thirrje shoferëve të shmangin “parakalimet e rrezikshme dhe të pakujdesshme” dhe tha se kjo “mbetet një nga shkaqet kryesore të aksidenteve në vend”.

LEXONI GJITHASHTU:

• Trafikuan vajza nga Uganda për prostitucion, në pranga tutori dhe bashkëpunëtorja
• Nga Uganda në Shqipëri, historia e punëtoreve të huaja që po mbushin tregun e punës