SHBA godet një tjetër anije të dyshuar për drogë në Paqësor, 4 persona humbin jetën

Sekretari i Mbrojtjes Pete Hegseth tha të mërkurën se Pentagoni kreu një tjetër “sulm kinetik vdekjeprurës” me urdhër të Presidentit Donald Trump ndaj një anijeje në Oqeanin Paqësor lindor që vrau katër burra.

Është hera e 14-të e njohur që administrata Trump ka nisur një sulm ushtarak kundër anijeve të dyshuara për transportimin e drogës në muajt e fundit.

“Më herët sot, me urdhër të Presidentit Trump, Departamenti i Luftës kreu një sulm kinetik vdekjeprurës ndaj një anijeje tjetër të trafikimit të drogës të operuar nga një Organizatë e Caktuar Terroriste, DTO, në Paqësorin Lindor”, shkroi Hegseth në X.

Hegseth e mbrojti sulmin e së mërkurës në të njëjtën mënyrë siç bëri me sulmet e mëparshme, duke thënë se objektivi “ishte i njohur nga inteligjenca jonë si i përfshirë në kontrabandën e paligjshme të narkotikëve”. Ai ka thënë vazhdimisht se anijet e synuara po udhëtojnë përgjatë një rruge të njohur të kontrabandës së drogës dhe po transportojnë narkotikë kur Shtetet e Bashkuara kryejnë sulmet e tyre.

Hegseth tha këtë javë se ushtria amerikane kreu tre sulme të hënën në katër anije në të njëjtën zonë që vranë 14 persona, të cilët ai i përshkroi në mënyrë të ngjashme si “narko-terroristë”.

Disa nga sulmet ajrore amerikane kanë ndodhur në Detin e Karaibeve pranë Venezuelës. Trump ka qenë prej kohësh kritik ndaj presidentit të vendi, Nicolas Maduro.

Në mbrojtje të sulmeve të shumta që nga shtatori, Hegseth e ka krahasuar vazhdimisht trafikun e drogës nga Amerika Qendrore dhe Jugore me grupin terrorist Al Kaeda, duke thënë javën e kaluar se “ne do t’ju trajtojmë siç kemi trajtuar Al Kaedën” duke identifikuar rrjetet e kontrabandistëve dhe duke i ndjekur ata.

LEXONI GJITHASHTU:

• Arrihet marrëveshja SHBA-Kinë pas takimit 2 orësh Trump-Xi Jinping! (Bisedimet)
• SHBA sulmon 3 objekte të shfrytëzuara prej milicive të mbështetura nga Irani