Numri i të vdekurve nga rrëzimi i aeroplanit të mallrave në SHBA rritet në 12

Të paktën 12 persona kanë humbur jetën pasi motori u nda nga aeroplani i UPS, ndërsa po nisej nga aeroporti Muhammad Ali i Louisville me destinacion Honolulu, Hawaii.

Sipas raportimeve, pamjet e kamerave të sigurisë nga aeroporti treguan se “motori i majtë i aeroplanit u shkëput nga krahu gjatë ngritjes” përpara se të merrte flakë, sipas anëtarit të Bordit Kombëtar të Sigurisë së Transportit, Todd Inman.

Kryebashkiaku i Louisville, Craig Greenberg,  tha të mërkurën se 12 persona u konfirmuan të vdekur, ndërsa 15 persona janë raportuar të zhdukur.

“Ne besojmë se tre nga vdekjet e konfirmuara janë me shumë gjasa anëtarë të ekuipazhit”, tha Greenberg.

Guvernatori Andy Beshear tha në një konferencë për shtyp më herët të mërkurën se një nga viktimat besohet të jetë një fëmijë i vogël.

Aeroporti është shtëpia e UPS Worldport, objektit më të madh të përpunimit të pakove të firmës së shpërndarjes në botë.

Ndërkohë, UPS tha të mërkurën se së shpejti do të rihapë objektin e saj në aeroportin e Louisville, të cilat u pezulluan përkohësisht.

LEXONI GJITHASHTU:

Del video e aksidentit fatal në SHBA, avioni i mallrave shpërthen gjatë ngritjes

Shtatë të vdekur dhe disa të plagosur nga rrëzimin i avionit të mallrave në SHBA