Një i plagosur nga të shtënat me armë zjarri në Tiranë

Një person mësohet se ka mbetur i plagosur me armë zjarri në Tiranë në zonën pranë stadiumit “Dinamo”.

Sipas burimeve i plagosur ka mbetur një i ri me inicialet R.K., 19 vjeç, i cili ndodhet jashtë rrezikut për jetën.

Ndërkohë, sipas informacionit zyrtar që jep policia thuhet se ngjarja ka ndodhur rreth orës 15:45, në rrugën “Liman Kaba”, në afërsi të një lokali.

Ngjarja ka ndodhur pas një konflikti të çastit që 19-vjeçari i plagosur ka pasur me dy persona.

Mësohet se i plagosuri dhe autorët kanë pasur njohje dhe sipas dyshimeve kanë qenë në shoqërinë e njëri-tjetrit në momentin që ka ndodhur ngjarja.

Personat e përfshirë kanë qenë në një lokal dhe fillimisht janë konfliktuar fizikisht me pas situata ka degjeneruar deri në përdorimin e armës së zjarrit.

Drejtori i Policisë Tiranë, Rebani Jaupi bën me dije se policia ka arritur që të identifikoi personin që ka qëlluar me arme zjarri dhe po punon për arrestimin e tij si dhe të personit tjetër që e shoqëronte.

Autori dyshuar i ngjarjes sipas policisë është Klajdi Kodra, person me precedent të mëparshëm penal i cili është shpallur në kërkim.