Shorti për fazën eliminatore të Kupës së Botës do të mbahet më 20 nëntor në Zyrih

Federata Botërore e Futbollit (FIFA) njoftoi sot se shorti për fazën eliminatore ndërkontinentale dhe evropiane për kualifikimin në Kupën e Botës 2026 do të mbahet më 20 nëntor në Zyrih duke filluar nga ora 13:00.

Siç është njoftuar nga FIFA, 22 përzgjedhje do të kenë një shans shtesë për të arritur në Kupën e Botës përmes eliminatoreve – 16 nga Evropa dhe gjashtë përmes Barazhit Ndërkontinental, në ndeshje që do të luhen nga 23 deri më 31 mars të vitit të ardhshëm.

16 ekipe kombëtare të ndara në katër seksione do të luajnë në eliminatoret evropiane. Dymbëdhjetë vende janë të garantuara për nënkampionët në grupet kualifikuese dhe katër për përzgjedhjet më të mira nga Liga e Kombeve e mëparshme që nuk janë midis dy vendeve të para në grupet kualifikuese. Do të luhen katër turne, me një gjysmëfinale dhe një finale, dhe vetëm fituesit do të shkojnë në Kupën e Botës.

Pjesëmarrja në Barazhin Ndërkontinental u sigurua nga Bolivia dhe Kaledonia e Re, dhe një përfaqësuese nga Azia dhe Afrika dhe dy nga zona CONCACAF (Amerika e Veriut dhe Qendrore) janë duke pritur.

Kupa e Botës e vitit të ardhshëm, nga 11 qershori deri më 19 korrik, do të luhet në Shtetet e Bashkuara të Amerikës, Meksikë dhe Kanada. Deri më tani, 28 ekipe janë kualifikuar për Kampionatin e parë Botëror me 48 pjesëmarrës. Përveç tre vendeve pritëse, u kualifikuan edhe kampionët në fuqi, Argjentina, Afrika e Jugut, Brazili, Egjipti, Kolumbia, Senegali, Arabia Saudite, Maroku, Ekuadori, Koreja e Jugut, Paraguai, Uruguai, Katari, Algjeria, Gana, Tunizia, Kepi i Gjelbër, Australia, Irani, Japonia, Jordania, Uzbekistani, Zelanda e Re, Senegali dhe Bregu i Fildishtë.

LEXONI GJITHASHTU:

• Kupa e Botës për klube, Interi merr fitoren e parë në grup, shkëlqejnë brazilianet
• Kreu i FIFA-s kërkon që Kupa e Botës të zhvillohet çdo 3 vjet