Orban: Me Trumpin nuk do të kishte luftë, Presidenti i SHBA: Pres të takoj Putinin

Kryeministri hungarez Viktor Orbán deklaroi nga Shtëpia e Bardhë se lufta në Ukrainë nuk do të kishte shpërthyer nëse Donald Trump do të ishte në detyrë, ndërsa presidenti amerikan shprehu dëshirën për të takuar Vladimir Putinin në Budapest.

Gjatë takimit të zhvilluar në Shtëpinë e Bardhë, kryeministri hungarez Viktor Orbán vlerësoi rolin e Donald Trumpit në çështjet ndërkombëtare, duke u shprehur se “nuk ka asnjë dyshim se me Trumpin nuk do të kishte pasur luftë”.

“Ne duam të kontribuojmë në përpjekjet e presidentit për paqe,” shtoi ai, duke theksuar se Hungaria mbështet çdo nismë që synon t’i japë fund konfliktit në Ukrainë.

Nga ana tjetër, presidenti amerikan Donald Trump tha se do të dëshironte që takimi i tij me presidentin rus Vladimir Putin, për të diskutuar përfundimin e luftës, të mbahej në Budapest.

“Do të doja shumë ta mbaja takimin në Hungari, në Budapest,” tha Trump në përgjigje të pyetjeve të gazetarëve, duke lënë të kuptohet se mund të ketë hapësirë për negociata të reja në të ardhmen.

Takimi mes Trump dhe Orbánit vjen në një moment kur marrëdhëniet SHBA–Hungari po përjetojnë një afrimitet të ri politik, ndërsa të dy liderët kanë theksuar rëndësinë e stabilitetit dhe paqes në Evropë.

LEXONI GJITHASHTU:

• Orbán: Trump ka riparuar dëmet e Biden, epokën e artë mes SHBA–Hungari
• Trump: Po vlerësojmë përjashtimin e Hungarisë nga sanksionet për naftën ruse