Kongresistët në SHBA: Hetim rolit të Kishës Ortodokse Ruse në spiunazhin e Moskës

Një grup kongresmenësh republikanë në Shtetet e Bashkuara i janë drejtuar Prokurores së Përgjithshme, Pam Bondi me kërkesën për të nisur një hetim zyrtar mbi përdorimin e kishave ortodokse në SHBA nga shërbimet ruse të inteligjencë, shkruan lansinginstitute.org.

Iniciativa u udhëhoq nga kongresmeni Joe Wilson, ndërsa në letrën e tyre deputetët paralajmërojnë se Kisha Ortodokse Ruse Jashtë Vendit (ROCOR), e cila kontrollohet nga Moska, “po kërkon të zgjerojë ndikimin e saj politik” në Shtetet e Bashkuara.

Sipas tyre, shqetësimi lidhet me një vizitë të priftërinjve të Kishës Ortodokse Ruse në Uashington, ku ata zhvilluan takime me përfaqësues të Zyrës së Shtëpisë së Bardhë për Çështjet e Besimit, zyrtarë të Departamentit të Shtetit dhe lobistë në Kongres.

Ligjvënësit paralajmëruan se klerikë dhe lobistë të lidhur me Kishën Ortodokse Ruse mund të shërbejnë si instrumente ndikimi ose edhe si mbledhës informacioni për llogari të Kremlinit. Ata deklaruan se ekziston “dyshim i arsyeshëm” për operacione të tilla ndikimi.

Në letrën e tyre, deputetët theksojnë se Kisha Ortodokse Ruse (ROC) përdoret prej vitesh jo vetëm si institucion fetar, por edhe si platformë e ndikimit të jashtëm të Kremlinit. Sipas tyre, strukturat e Kishës jashtë Rusisë shpesh funksionojnë si rrjet për propagandë, lobim politik dhe qasje tek personalitete të rëndësishme shoqërore e politike në vende të tjera, përfshirë SHBA-në.

Në Shtetet e Bashkuara janë aktive disa struktura të lidhura me Moskën: parazitë të Patriarkanës së Moskës, ROCOR, si dhe Kisha Ortodokse në Amerikë (OCA), e cila historikisht ka ruajtur lidhje të ngushta me Rusinë.

Po ashtu, deputetët theksojnë se edhe të tjera juridiksione ortodokse në SHBA—si ato serbe dhe bullgare—kanë lidhje tradicionale me Moskën dhe mund të përfshihen në rrjete ndikimi.

LEXONI GJITHASHTU:

• Plan i ri paqeje SHBA-Rusi, zyrtarë të Pentagonit vizitojnë Kievin
• Zelensky: Vetëm Trump dhe SHBA-të kanë fuqinë për t’i dhënë fund luftës