Shpërthen impianti naftës Petrocedeno në Venezuelë, evakuime emergjente

Një shpërthim i madh ka shkatërruar impiantin e naftës Petrocedeno në shtetin Anzoátegui të Venezuelës, duke ngritur zjarr dhe re të dendura tymi mbi zonë dhe duke detyruar evakuime emergjente. Shpërthimi ndodhi pranë një kulle të rëndësishme të distilimit, ndërsa zyrtarët nuk kanë dhënë ende shifra për viktimat apo për masën e dëmit.

Impianti, i cili përpunon naftë të rëndë bruto për eksport, është kritik për ekonominë e Venezuelës. Pamjet e mediave treguan flakë të mëdha që përfshinin zonat e magazinimit, ndërsa zjarrfikësit punuan gjatë gjithë natës për të kontrolluar zjarrin. Ky incident ndodh vetëm disa ditë pas një shpërthimi të vdekjeprurës gazi në kompleksin Muscar, që vrau tetë punëtorë dhe uli furnizimet me karburant me 60%.

Ndërkohë, Venezuela ka kërkuar mbështetje nga Rusia për sistemet e raketave dhe radarët, ndërsa vazhdojnë negociatat mbi marrëveshje të mundshme për lehtësimin e sanksioneve në këmbim të naftës. Impianti Petrocedeno mbetet i bllokuar dhe autoritetet monitorojnë situatën.

LEXONI GJITHASHTU:

• Kongresistët në SHBA: Hetim rolit të Kishës Ortodokse Ruse në spiunazhin e Moskës
• BE kërkon të përfshihet në planin SHBA-Rusi për paqen në Ukrainë