Japonia shumë pranë rinisjes së centralit bërthamor më të madh në botë

Japonia po i afrohet miratimit të rinisjes së centralit bërthamor më të madh në botë, hera e parë që do të vihet në punë që nga katastrofa e Fukushimës në vitin 2011. Guvernator i rajonit Niigata, Hideyo Hanazumi tha se ka dhënë dritën jeshile për rinisjen e pjesshme.

Plani për të rifilluar operacionet në impiantin, i operuar nga kompania e shërbimeve Tepco, ende ka nevojë për miratim nga asambleja qeveritare e prefekturës dhe rregullatori bërthamor i Japonisë përpara se të mund të vazhdojë.

Nëse miratohet, do të jetë hera e parë që Tepco do të lejohet të rifillojë operacionet e reaktorit bërthamor në Japoni që kur centrali i saj në Fukushima u shpërbë pas një cunami. Banorët në Niigata janë të ndarë nëse uzina duhet të rifillojë apo jo.

Hanazumi tha në një konferencë për shtyp të premten se vendimi i tij do të diskutohej në dhjetor në një asamble qeveritare prefekturore, ku ai do të kërkonte miratimin e asamblesë. Miratimi do të ishte për rifillimin e operacioneve në reaktorin nr. 6 të centralit Kashiwazaki-Kariwa, i ndjekur nga ai nr. 7.

Rifillimi i operacioneve në objekt është pjesë e planit të rindërtimit të biznesit të Tepco-s pas shkrirjes në centralin bërthamor të Fukushimës, e cila u shkaktua nga një tërmet me magnitudë 9.0 dhe një cunami masiv.

Kur reaktorët e centralit u përmbytën nga cunami, kjo shkaktoi rrjedhje rrezatimi dhe detyroi 150,000 njerëz të evakuoheshin nga zona. Japonia urdhëroi mbylljen e të gjithë reaktorëve të centraleve të saj bërthamore pas katastrofës. Që atëherë, 14 reaktorë kanë rifilluar operacionet.

LEXONI GJITHASHTU:

• Rama: Nuk ndodh në BE të merren kryebashkiakët nga zyra dhe çohen në burg pa gjyq
• Francë, shefi FA thirrje vendit: Përgatituni të humbni fëmijë në luftë me Rusinë