Në 10 muaj arka e shtetit mblodhi 628 miliardë lekë, rritje vjetore 6%

Të ardhurat totale arritën në rreth 628 miliardë lekë në 10-mujorin e vitit 2025, ndërsa shpenzimet e përgjithshme publike arritën në rreth 579 miliardë lekë. Krahasuar me të njëjtën periudhë të një viti më parë, u mblodhën rreth 38 miliardë lekë më shumë.

Të ardhura doganore nga janari në tetor ishin 200 mld lekë, një shifër që rezulton rreth 5% më e lartë se vjet, ndërkohë, të ardhurat nga taksat ishin 39 miliardë lekë.

Sa i përket shpenzimeve publike, shuma e ekzekutuar është 12% më e madhe se vitin e kaluar dhe në terma vjetorë, u realizuan në masën 70 % të planit vjetor. Një përqindje e tillë, tregon se qeveria dhe njësitë vendore nuk po arrijnë t’i shpërndajnë paratë në mënyrë uniforme, duke lënë për 2-mujorin e fundit 30% të  parave si zë për shpenzime publike.

Në raportin mes të ardhurave dhe shpenzimeve, niveli i suficitit rezultoi 49 miliardë lekë ose 30% më i ulët se vitin e kaluar.

LEXONI GJITHASHTU:

• Prodhimi i naftës dhe kromit shënoi rënie në 2024, bien edhe të ardhurat nga shitjet
• Taksat e reja për ndërtesat pritet të rrisin të ardhurat e bashkisë Tiranë me 20%