SHBA do të rishikojë lejet e qëndrimit të personave nga vendet e rrezikshme

Autoritetet  amerikane do të rivlerësojnë të gjitha kartat e gjelbra që u kanë dhënë shtetasve të vendeve që i konsiderojnë si rrezik për sigurinë pas sulmit në Uashington kundër anëtarëve të Gardës Kombëtare. Drejtori i USCIS, Joseph Edlow theksoi se ky vendim ka ardhur pas urdhrit të presidentit amerikan, Donald Trump.

“Me urdhër të Presidentit të Shteteve të Bashkuara, kam urdhëruar një shqyrtim të plotë dhe tërësor të çdo karte jeshile të çdo të huaji nga çdo vend shqetësues”, njoftoi Edlow.

I pyetur se për cilat vende bëhej fjalë konkretisht, USCIS tha se do të vendoste kufizime vizash për shtetasit e 19 vendeve. Shtetet në këtë listë janë Afganistani, Mianmari, Çadi, Kongo-Brazzavili, Guinea Ekuatoriale, Eritrea, Haiti, Irani, Libia, Somalia, Sudani, Jemeni, Burundi, Kuba, Laosi, Sierra Leone, Togo, Turkmenistani dhe Venezuela.

Ky vendim ka ardhur pas sulmit ndaj Gardës Kombëtare pranë Shtëpisë së Bardhë ku humbi jetën një person. Presidenti Trump, e denoncoi aktin “terrorist”, duke premtuar se do ta ashpërsojë më tej politikën e tij anti-imigracion pas sulmit.

LEXONI GJITHASHTU:

• Festa e Flamurit, Meta: Gëzuar Ditën e Pavarësisë, Shqipëria jonë e dashur
• Vjosa Osmani uron 28 Nëntorin: Historia jonë është shkruar me gjak