Rrëzohet një aeroplan ushtarak rus, shtatë anëtarë në bord

Një aeroplan ushtarak rus është rrëzuar me shtatë anëtarë të ekuipazhit në bord, sipas kanalit televiziv shtetëror Tass.

Raporti thotë se aeroplani ushtarak AN-22 është rrëzuar në rajonin e Ivanovos të Rusisë.

Nuk dihet nëse ka të mbijetuar në mesin e anëtarëve të bordit si dhe shkaku i rrëzimit.

Në anën tjetër, autoritetet ruse të sigurisë nuk kanë dhënë detaje nëse aeroplani ishte në ndonjë mision apo thjesht gjatë fluturimit rutinë.

Aeroplani, që besohet se i përket Ministrisë së Mbrojtjes, An-22 është fluturakja më e madhe me turbohelikë.

LEXONI GJITHASHTU:

• Witkoff dhe Kushner i vunë ultimatum Zelenskyt në telefon për dorëzimin e Donbasit
• Zonja e Parë e Francës në qendër të debatit, fyeu protestueset feministe