Orban pas vendimit për asetet ruse: Komisioni abuzon sistematikisht ligjin evropian

Kryeministri i Hungarisë, Viktor Orban, ka kritikuar ashpër Bashkimin Evropian, duke thënë se Komisioni abuzon sistematikisht ligjin evropian pasi ky i fundit njoftoi se po imobilizonte për një kohë të pacaktuar asetet e Bankës Qendrore Ruse, një element qendror i kredisë së dëmshpërblimeve për Ukrainën.

“Brukseli po kalon Rubikonin sot”, shkroi Orban në një postim në rrjetet sociale të publikuar të premten.

“Objekti i votimit janë asetet e ngrira ruse, të cilat deri më tani janë votuar çdo gjashtë muaj nga shtetet anëtare të BE-së, duke rezultuar në vendime unanime. Me procedurën e sotme, Brukseli po e heq kërkesën e unanimitetit me një të rënë të stilolapsit, në një mënyrë qartësisht të paligjshme”, tha ai.

LEXONI GJITHASHTU:

• Shtëpia e Bardhë paditet nga një organizatë për ndërtimin e sallës së re
• BE-ja e hedh poshtë padinë e Rusisë kundër Euroclear: Spekulative dhe e pabazuar