Ish nënkryetari i KLP: Pyetja që u mungoi kandidatëve për kryetarin e SPAK

Tartar Bazaj, ish nënkryetar i Këshillit të Lartë të Prokurorisë ka analizuar në “Review” me Greta Topjana lidhur me cilësinë e pyetjeve të zhvilluara ndaj kandidatëve për kryetarin e SPAK.

Bazaj e mendon një zgjedhje të mirë Brahon në krye të SPAK, ndër të tjera sa i përket pyetjeve ai ka shpjeguar se duhen kuptuar mirë pasi vinë nga përfaqësues të fushave të ndryshme.

“Mendoj se Klodian Braho, kreu i ri i SPAK i plotëson të gjitha kriteret për të qenë kryetar i SPAK, është i përgatitur. Unë i kam kaluar të gjitha dosjet e prokurorëve në duar, ua njoh CV-në këtyre prokurorëve. Ajo që mendoj unë është se ajo strukturë do të hecë.

Sa i përket pyetjeve, KLP përfaqësohet nga personalitete dhe fusha të ndryshme. Ka që nuk e njohin hetimin sa i përket procedurave. Varet në çfarë konotacioni janë bërë pyetjet.

Unë jam përballur me një çështje dhe kam drejtuar pyetjen: Pse duhet të caktohen gjithmonë masa e sigurisë me arrest me burg”, ka thënë Bazaj duke nënkuptuar se kjo mund të ishte një pyetje e munguar ndaj kandidatëve për kreun e SPAK.

LEXONI GJITHASHTU:

• “Tentuan të largojnë gjeneratorin”, Lapaj sqaron tensionet me forcat e policisë
• “Braho ka bërë detyrën e vet”, Karanxha: Rrugë e gjatë e pret