Sulmet ruse në Zaporizhia, guvernatori: Dëme në infrastrukturë dhe në një shkollë
Një sulm me raketa ruse është regjistruar në Zaporizhia të Ukrainës. Nga sulmi janë plagosur 26 persona, përfshirë edhe një fëmijë. Guvernatori rajonal, Ivan Fyodor tha se rusët lëshuan bomba ajrore duke shkatërruar ndërtesa apartamentesh.
Ai shtoi se sulmet shkaktuan dëme në infrastrukturë dhe një institucion arsimor. Tre sulme goditën kryeqytetin rajonal dhe periferitë e tij. Shërbimi Shtetëror i Emergjencave i Ukrainës tha se puna për pastrimin e rrënojave po vazhdonte.
Policia ukrainase njoftoi se brenda gjysmë ore Zaporizhia u godit nga tre bomba ajrore të drejtuara. Dy nga bombat goditën ndërtesa apartamentesh, duke shkatërruar 130 apartamente.
Bomba e tretë goditi një infrastrukturë ku u dëmtuan objektet e prodhimit. Bomba e katërt shpërtheu pranë një shkolle të mesme. Nxënësit nuk u lënduan, por një grua u plagos.
Zaporizhia, e cila kishte rreth 710,000 banorë para fillimit të pushtimit rus në shkurt 2022, bombardohet rregullisht nga ushtria ruse, e cila po përparon gradualisht, me vijën e frontit më pak se tridhjetë kilometra larg. Qyteti i Zaporizhias, më pak se 25 kilometra nga vija e frontit, është bombarduar vazhdimisht që nga fillimi i pushtimit rus.
LEXONI GJITHASHTU:
Spanja zbulon 111 raste me kancer që lidhet me implantet e gjirit
Konflikti në Ukrainë, Lavrov: SHBA nuk i kanë respektuar marrëveshjet, lufta e Bidenit tani është bërë e Trumpit
Të fshehur brenda kamionit cisternë, gjenden 30 emigrantë në Turqi! Një i arrestuar
- 19:39 Qytetarët e Vlorës sërish në protestë te Sheshi i Flamurit kundër projektit në Zvërnec
- 19:28 Spanja zbulon 111 raste me kancer që lidhet me implantet e gjirit
- 19:25 Babai i Martin Canit i bashkohet protestës kundër projektit në Zvërnec (VIDEO)
- 19:18 Prattipati i bën thirrje Kosovës t’i bashkohet projektit amerikan për gazin
- 19:10 Konflikti në Ukrainë, Lavrov: SHBA nuk i kanë respektuar marrëveshjet, lufta e Bidenit tani është bërë e Trumpit
- 19:03 FOTOLAJM/ Del pankarta zyrtare e protestuesve: Nuk ka negociata, kërkesat janë të qarta