“Vetëm protesta e PD nuk mjafton”, Lita: Ja çfarë duhet të krijojë opozita

Gazetari Lavdrim Lita ka komentuar në “Now” lidhur me protestën e zhvilluar pasditen ne sotme nga Partia Demokratike.

Edhe pse mes tensioneve të krijuara mes protestuesve dhe policisë, Lita e cilëson si një protestë normale e cila nuk mjafton për atë qëllim që vetë PD organizoi protestën.

“Ishte një protestë normale. Protesta e PD-së nuk mjafton. PD di të bëjë protesta, ka bërë edhe në të kaluarën e saj, me molotov pa molotov, por nuk mjafton për të rrëzuar qeverinë. Për ta bërë këtë duhet një protestë popullore, pa flamuj, me synime të qarta si ajo në Serbi, Greqi, Rumani, Bullgari.

Partia Demokratike bën protesta me data, me orare dhe me kalendar, me ato tre persona që flasin, bëjnë xhiro. Është një film që e kemi parë, është mirë që protestohet. Është protesta më e madhe muajin e fundit, por duhet të jetë e pandalshme. Nëse ndal se janë Krishtlindjet, Viti i Ri, apo ndonjë sebep tjetër, nuk funksionon.

Lita qëndron i mendimit se në çdo organizim që opozita zhvillon, nuk janë gjëra të reja për qytetarët, aq sa për ti motivuar mbështetësit e saj për ndryshim.

“Duhet krijuar një front i protestës, vetëm protesta e PD nuk mjafton. Berisha njofton aksionin sikur e ka për herë të parë që e bën. Ka 35 vite që bën protesta. Prisja që protesta ta tejkalonte retorikën e opozitës. Ato fjalime i këmi dëgjuar edhe në Parlament, nuk ishin motivuese.  Ata janë parti politike”, tha Lavdrim Lita.

LEXONI GJITHASHTU:

• Deputetët e PD mbërrijnë në Komisariat, kërkojnë lirimin e protestuesve të shoqëruar
• Balla reagon pas protestës së PD-së: Sali, nuk e djeg dot më Shqipërinë