VIDEO/Britania dhe Franca kryejnë sulme kundër objektivave të ISIS-it në jug Sirisë

Avionë luftarakë britanikë dhe francezë në një operacion të përbashkët ajror kanë shkatërruar një bazë të ISIS-it në Sirinë jugore, e cila përdorej për të ruajtur armë dhe eksplozivë, larg zonave të populluara.

Ministria britanike e Mbrojtjes tha se agjencitë e inteligjencës kishin gjetur një strukturë nëntokësore në veri të Palmirës, ​​në qendër të vendit.

Vonë natën e së shtunës, avionë luftarakë britanikë dhe francezë, të mbështetur nga një avion furnizimi me karburant Voyager, kryen një sulm të përbashkët, duke përdorur bomba të drejtuara për të goditur tunelet e hyrjes.

Vlerësimet fillestare tregojnë se sulmi ishte i suksesshëm, thonë autoritetet britanike, pa rrezik për civilët.

Ndërkohë, avionë nga vendet perëndimore po kryejnë patrullime dhe operacione për të parandaluar riforcimin e ISIS-it, i cili kishte pushtuar gjithashtu zona të mëdha të Sirisë deri në vitin 2019.