FOTO/ I njohur si ferri në Tokë, brenda burgut të Bruklinit ku po mbahet Nicolas Maduro

Presidenti i Venezuelës, Nicolas Maduro i cili u arrestua nga Shtetet e Bashkuara të shtunën po mbahet në  Qendrën e Paraburgimit Metropolitane në qendër të Bruklinit. I njohur si MDC, burgu është një nga burgjet më të mëdha federale në vend, që strehon rreth 1,600 të burgosur në çdo kohë.

Për dekada të tëra, ka mbajtur disa nga të pandehurit më famëkeq kriminelë të Shteteve të Bashkuara ndërsa presin gjyqin.

Ndërsa disa përballen me akuza të rënda, të tilla si trafik ndërkombëtar droge ose terrorizëm, shumica dërrmuese përballen me krime më të lehta.

Burgu është kritikuar ashpër gjatë viteve për kushtet e këqija, duke u përshkruar si “çnjerëzore” dhe “ferr në tokë”.

“Me kalimin e viteve, MDC është bërë sinonim i neglizhencës dhe abuzimit të rëndë të të ndaluarve”, tha Shoqata e Ndihmës Ligjore në një njoftim për shtyp në qershor, duke kundërshtuar ndalimet e ICE-së në burg.

Maduro, i cili do të dalë para gjykatës të hënën pasdite ka qenë në shënjestër të Departamentit të Drejtësisë të SHBA-së për vite me radhë dhe në vitin 2020. Prokurorët federalë të Manhattanit e akuzuan atë si udhëheqës të Cartel de Las Soles, organizatës së dyshuar të trafikimit të drogës të drejtuar nga elita ushtarake dhe politike e Venezuelës.

1 / 4