Franca dhe aleatët diskutojnë sesi do të reagojnë në rast se SHBA pushton Groenlandën

Franca ka deklaruar se po punon me aleatët se si të reagojnë nëse SHBA-të do të pushtojnë Groenlandën, mes tensioneve në rritje për shkak të kërcënimeve në rritje të presidentit Donald Trump.

Ministri i Jashtëm francez, Jean-Noel Barrot, tha se kjo kjo temë do të diskutohet në një takim me ministrat e jashtëm gjermanë dhe polakë të mërkurën.

“Ne duam të ndërmarrim veprime, por duam ta bëjmë këtë së bashku me partnerët tanë evropianë”, tha ai.

Danimarka ka thënë se nëse SHBA-të pushtojnë Groenlandën do të shënonte fundin e aleancës ushtarake perëndimore dhe sigurisë pas Luftës së Dytë Botërore. Të martën udhëheqësit evropianë deklaruan se Groenlanda i përket popullit të saj.

Shtëpia e Bardhë tha se Trump dhe ekipi i tij po shqyrtonin një sërë opsionesh për të blerë Groenlandën, duke përfshirë përdorimin e ushtrisë amerikane.

Të martën në mbrëmje, parlamenti danez mbajti një mbledhje të jashtëzakonshme për të diskutuar situatën e paprecedentë. Lars Lokke Rasmussen, ministri i jashtëm danez, dhe homologia e tij nga Groenlanda, Vivian Motzfeldt nga ana tjetër po kërkojnë një takim urgjent me Marco Rubion.