Rubio do takohet me zyrtarët danezë javën e ardhshme, sinjalizon se nuk do tërhiqen nga qëllimi për Groenlandën

Sekretari i shtetit i SHBA-së, Marco Rubio, tha mbrëmë se kishte në plan të takohej me zyrtarë danezë javën e ardhshme për të diskutuar për Groenlandën, ndërsa kriza përshkallëzohet brenda NATO-s për shkak të kërcënimeve të SHBA-së për të marrë territorin e Arktikut.

Një takim urgjent ishte kërkuar nga ministrat e jashtëm të Groenlandës dhe Danimarkës, e cila ka thënë se çdo pushtim ose konfiskim i territorit nga aleati i saj në NATO do të shënonte fundin e aleancës ushtarake perëndimore dhe “sigurisë pas Luftës së Dytë Botërore”.

Duke folur me gazetarët në Uashington, Rubio nuk iu përgjigj drejtpërdrejt një pyetjeje nëse administrata Trump ishte e gatshme të rrezikonte aleancën duke ecur potencialisht përpara me një opsion ushtarak për të fituar kontrollin e Grenlandës.

“Nuk jam këtu për të folur për Danimarkën apo ndërhyrjen ushtarake, do të takohem me ta javën tjetër. Do t’i zhvillojmë ato biseda me ta atëherë, por nuk kam asgjë tjetër për të shtuar. Çdo president amerikan ruan mundësinë e adresimit të kërcënimeve të sigurisë kombëtare me mjete ushtarake”, tha ai.