16 mijë infermierë të Nju Jorkut do të hyjnë në grevë, shkak mosmarrëveshjet për pagat

Gati 16,000 infermierë në New York City do të hyjnë në grevë të hënën për shkak të një debati për pagat gjatë negociatave të kontratave. Aksioni, që do të zhvillohet në pesë spitale të mëdha.

Greva po organizohet nga Shoqata e Infermierëve të Shtetit të Nju Jorkut (NYSNA), e cila po kërkon që spitalet t’i vënë pacientët përpara fitimit.

Spitalet këmbëngulin se vazhdojnë të negociojnë me mirëbesim dhe e kanë akuzuar sindikatën se po përpiqet të prishë kujdesin ndaj pacientëve.

Sipas shoqatës kompensimi i drejtuesve ekzekutivë në tre spitale Montefiore, Mount Sinai dhe New York Presbyterian është gati 12,000 herë më i lartë se ai i një infermieri mesatar.

Nancy Hagans, presidente e NYSNA-s tha se spitalet po bëjnë presion për të ulur raportet e personelit duke refuzuar të garantojnë mbulimin e përfitimeve të kujdesit shëndetësor për infermierët dhe duke refuzuar të adresojnë çështjet e sigurisë në vendin e punës.

Tre nga spitalet kryesore të përfshira në negociatat e kontratës kanë 1.6 miliardë dollarë para të gatshme ose ekuivalent të tyre, sipas sindikatës, e cila tha se tashmë kanë filluar punësimin e infermierëve për të zëvendësuar ata që janë në grevë.

Infermierët e përfaqësuar nga NYSNA lëshuan njoftime për grevë 10-ditore më 2 janar në një sërë spitalesh të Nju Jorkut. Të martën, shtatë nga spitalet më të vogla vazhduan negociatat e kontratës, me sindikatën që tërhoqi njoftimin e tyre të grevës.