Numri i viktimave nga protestat në Iran rritet në 420, mes tyre edhe 8 fëmijë

Grupi i të drejtave të njeriut me seli në SHBA, HRANA ka bërë me dije se të paktën 420 protestues janë vrarë gjatë demonstratave gjatë 15 ditëve të fundit në Iran kundër regjimit në vend.

Mësohet se mes viktimave janë tetë fëmijë. Ky është një rritje dramatike nga numri i mëparshëm prej 162 të viktimave, i cili u dha më herët sot.

Të shtunën prokurori i Përgjithshëm i Iranit, Mohammad Movahedi Azad, tha se procedurat ligjore kundër protestuesve do të kryhen pa mëshirë.

“Akuzat kundër të gjithë protestuesve janë të njëjta. Qofshin ata individë që kanë ndihmuar protestuesit dhe terroristët në shkatërrimin dhe dëmtimin e sigurisë publike dhe pronës, apo mercenarë që kanë marrë armët dhe kanë shkaktuar frikë dhe terror midis qytetarëve”, tha ai.