Mukoza kërcënon detin Marmara, presidenti turk Erdogan zotohet se do të shpëtojë ujërat detarë

Presidenti turk, Recep Taip Erdogan zotohet se do të shpëtojë detin Marmara të Turqisë i cili është pushtuar nga një shtresë e trashë e quajtur mukoza detare.

Kjo mukozë është përhapur në bregdetin jugor të Stambollit në nivele alarmante dhe po paraqet një kërcënim në rritje për jetën detare dhe industrinë e peshkimit.

Ndryshimi i klimës dhe ndotja mendohet se kanë kontribuar në përhapjen e lëndës organike, e njohur gjithashtu si mukoza detare, e cila përmban një shumëllojshmëri të gjerë të mikroorganizmave dhe mund të lulëzojë kur ujërat e zeza, të pasura me lëndë ushqyese derdhen në ujin e detit.

Mukoza detare, është një llum i gjelbër që ndodh natyrshëm dhe formohet kur algat mbingarkohen me lëndë ushqyese si rezultat i motit të nxehtë dhe ndotjes së ujit.

“Shpresojmë se ne do të shpëtojmë detet tona nga problemi i mukozës. Frika ime është, nëse kjo zgjerohet në Detin e Zi. Ne duhet të veprojmë pa vonesë”, – tha  presidenti Erdogan në një takim në qytetin lindor të Vanit.

Zyrtarët e ministrisë së Mjedisit deklaruan se qeveria bashkoi të gjitha palët e interesuara për një seminar për të hartuar një plan veprimi, për të mbrojtur detin.

Ekspertët gjithashtu lidhën sasitë në rritje të mukozës së detit me temperaturat e larta, që burojnë nga ndryshimet klimatike, si dhe shkarkimi i ujërave të zeza të patrajtuara në det. Ekspertët paralajmërojnë pse probleme të tilla ekologjike do të vazhdojnë nëse njerëzit nuk ndryshojnë sjelljen e tyre.

LEXONI GJITHASHTU: 

• Shkencëtarët zbuluan se bimët “njohin” orën
• A mund të jenë aeroportet me panele diellorë e ardhmja?
• Insekte në menu? Bashkimi Evropian miraton përdorimin e krimbave të verdhë në ushqime