Veteranët britanikë në Irak: Nuk na u ofrua kontroll shëndetësor pas ekspozimit ndaj toksinës vdekjeprurëse

Ushtarët britanikë që shërbyen në impilantin e trajtimit të ujit Qarmat Ali në Irak më 2003 thonë se nuk iu ofrua kontroll biologjik, pavarësisht udhëzimeve zyrtare që e kërkonin këtë. Impianti, i braktisur dhe shumë i kontaminuar, ishte mbuluar me dikromat natriumi me ngjyrë portokalli, një kancerogjen i rrezikshëm.

Veteranët raportojnë probleme serioze shëndetësore që nga ajo kohë: kancer, tumore, gjakderdhje nga hunda dhe skuqje të lëkurës. Një letër e brendshme e autoritetit shëndetësor të RAF-it tregon se ushtria ishte e vetëdijshme për rrezikun e kancerit dhe rekomandoi ofrimin e kontrolleve biologjike. Por sipas veteranëve, asnjëri prej tyre nuk ka marrë kontroll ose kujdes të vazhdueshëm.

Pete Lewis, 53 vjeç, një nga 88 trupat britanike të vendosura aty, thotë: “Kam bërë tetë ose nëntë operacione për të hequr kancerin. Kam shenja në fytyrë dhe një shart të madh në gjoks – është një betejë që vazhdon çdo vit.”

Veteranët tregojnë se gjatë qëndrimit në Qarmat Ali, qeset me pluhur portokalli shpërndaheshin në ajër, pa u paralajmëruar për rrezikun. Jon Caunt thotë: “Ne po i thithnim këto substanca, nuk na u paralajmërua kurrë se çfarë ishin.”

Tony Watters shton: “Na thanë se vendi ishte i sigurt. Por shumë prej nesh pësojmë gjakderdhje nga hunda, skuqje dhe lezione lëkure.”

Vetëm disa muaj më vonë, punëtorët me kostume mbrojtëse vendosën një tabelë paralajmëruese mbi rrezikun kimik: “Ekspozimi ndaj dikromatit të natriumit – nevojiten pajisje mbrojtëse dhe respirator kimik.”

Andy Tosh, udhëheqës i grupit në vendngjarje, shton: “Edhe pas paralajmërimeve, ata na mbajtën aty dhe na ekspozuan me vetëdije ndaj toksinës.”

Ministria e Mbrojtjes britanike ka mohuar vazhdimisht se nuk janë ofruar kontrolle shëndetësore, duke këmbëngulur se personelit iu ofrua kujdes mjekësor, por nuk ka pranuar të kërkojë falje ose të kryejë një hetim mbi ekspozimin e ushtarëve.