Ndryshim në prefekturën e Durrësit, shkarkohet Emiljan Jani, kush e zëvendëson

Këshilli i Ministrave ka vendosur sot lirimin nga detyra të prefektit të Qarkut të Durrësit dhe emërimin e një prefekti të ri. Vendimi është marrë në mbështetje të neneve 100 dhe 114 të Kushtetutës, si dhe të nenit 5 të ligjit nr. 107/2016 “Për prefektin e qarkut”, të ndryshuar, me propozim të ministrit të Punëve të Brendshme.

Sipas vendimit të qeverisë, Emiljan Jani është liruar nga detyra e prefektit të Qarkut të Durrësit, ndërsa Adrian Gurra është emëruar në këtë funksion.