Sot bisedimet për paqe, teksa sulmet ruse ndaj Ukrainës nuk ndalojnë

Ndërsa Kremlini do të zhvilloj për herë të parë bisedime të drejtpërdrejta paqeje me SHBA-në dhe Ukrainën, ai nuk ka treguar shenja se është i gatshëm të ndalojë bombardimet e infrastrukturës civile.

“Derisa të arrihet një zgjidhje diplomatike, Rusia do të “vazhdojë të ndjekë vazhdimisht objektivat e operacionit të posaçëm ushtarak”, tha Yuri Ushakov, ndihmësi i Kremlinit, në deklaratën e mbrëmshme.

“Kjo është veçanërisht e vërtetë në fushën e betejës, ku forcat e armatosura ruse mbajnë iniciativën strategjike”, theksoi ai.

Gjatë natës, Rusia lëshoi rreth 101 dronë drejt Ukrainës, 76 prej të cilëve u rrëzuan, ndërsa 19 goditën 12 vende, sipas forcave ajrore të Ukrainës.

Ushakov përsëriti se “pa zgjidhur çështjen territoriale” në përputhje me atë që Donald Trump dhe Vladimir Putin ranë dakord gjatë takimit të vitit të kaluar në Alaska, nuk do të kishte “zgjidhje afatgjatë”.

Një pengesë kryesore është kërkesa e Putinit që Ukraina të dorëzojë 20% të rajonit lindor të Donetskut që ende mban.

Ndërkohë, Zelensky ka refuzuar të heqë dorë nga toka që Ukraina e ka mbrojtur me sukses me kosto të lartë gjatë viteve të fundit.