VIDEO/ Cikloni “Harry” godet Italinë jugore, shpallet gjendja e jashtëzakonshme

Siçilia , Sardenja dhe Kalabria u vunë në alarm të kuq , pasi cikloni “Harry” goditi Italinë jugore dhe Mesdheun qendror me mot ekstrem në orët e fundit. Siç njoftoi guvernatori rajonal i Siçilisë, Renato Schifani, vlerësimi i ri i dëmeve të valës së rëndë të motit të keq arrin në 720 milionë euro.

“Shpallja e ishullit tonë në gjendje të jashtëzakonshme për shkak të fatkeqësive natyrore siguron pagesën e menjëhershme prej 70 milionë eurosh për të adresuar nevojat më të menjëhershme”, shtoi Schifani.

Në Sardenjë , presidentja rajonale, Alessandra Tode, tha se janë regjistruar qindra milionë euro dëme. Ajo i kërkoi qeverisë në Romë të caktojë takime të menjëhershme për të siguruar mbështetjen e nevojshme financiare. Valët shumë të larta dhe reshjet e vazhdueshme shkaktuan dëme serioze në ishull.

Sa i përket Kalabrisë, u vlerësua se brigjet e këtij rajoni, të cilat lagen nga Deti Jon, u mbuluan nga valë nëntë metra të larta. “Kjo është një lartësi që korrespondon, siç është llogaritur, me një pallat katërkatësh”, theksoi kreu i Mbrojtjes Civile të Kalabrisë, Fabio Ciciliano. Siç shtoi ai, “po flasim për një valë moti të keq, me erëra që tejkaluan 110 kilometra në orë”.