FOTO/ Murali në Teheran paralajmëron SHBA që të mos nisë sulm ushtarak në Iran

25 Janar 2026 | 18:04

Një mural i ri që paralajmëron SHBA-në të mos nisë një sulm ushtarak ndaj Iranit është zbuluar në një shesh në qendër të Teheranit.

Imazhi i pikturuar paraqet aeroplanë të dëmtuar në kuvertën e një aeroplanmbajtëse me sloganin: “Nëse mbjell erën, do të korrësh vorbullën”, në persisht dhe anglisht.

Murali vjen pasi një zyrtar i lartë iranian tha se çdo sulm do të trajtohet si një luftë e përgjithshme kundër Iranit. Sheshi përdoret për tubime të thirrura nga shteti dhe autoritetet e ndryshojnë muralin e tij në bazë të rasteve kombëtare.

Presidenti amerikan, Donald Trump u bëri thirrje protestuesve iranianë të vazhdojnë të demonstrojnë dhe premtoi se ndihma është duke ardhur.

Nuk ka pasur protesta të mëtejshme për ditë të tëra, dhe Trump pretendoi së fundmi se Teherani kishte ndaluar ekzekutimet e rreth 800 protestuesve të arrestuar. Një pretendim që prokurori i lartë i Iranit e quajti krejtësisht të rremë.

Ushtria amerikane ka dërguar forca shtesë në Lindjen e Mesme në kohë tensionesh të larta, në lëvizje të cilat shpesh janë parë si mbrojtëse. Por një përshkallëzim i madh vitin e kaluar ndodhi përpara nisjes së sulmeve ajrore kundër programit bërthamor të Iranit.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026