“Prishtina 2030” risi në Lojërat Mesdhetare me sporte të reja, Kurti: Do ndërtojmë 20 stadiume 

Edicioni i 21-të i lojërave Mesdhetare do të zhvillohet në Prishtinë. “Prishtina 2030” do të përfshijë një program të gjerë sportesh me 24 sporte të planifikuara të garës.

Nga këto sporte bëjnë pjesë sportet si: atletikë, boks, xhudo, karate, peshëngritje, mundje, noti, polo në ujë, noti me vela, lundrim, qitje, pingpong, tenisi, volejbolli, hendbolli, basketbolli 3×3, skermë, çiklizëm), gjimnastikë, badmintoni, karateja, taekwondoja, sportet e peshëngritjes, dhe sporte të tjera si futsalli, i cili është përfshirë zyrtarisht dhe do të zëvendësojë futbollin tradicional për U21 në këtë edicion.

Kryeministri i Kosovës, Albin Kurti lidhur me lojërat Mesdhetare u shpreh se Kosova duhet të investojë seriozisht në ndërtimin e stadiumeve të futbollit.

Sipas Kurtit, projekti parashikon ndërtimin e 20 stadiumeve, të cilat do të jenë me kapacitete më të vogla, por të përshtatshme për nevojat e vendit dhe për ngjarjen ndërkombëtare që Kosova do ta organizojë së bashku me Shqipërinë.

“Kemi nevojë t’i ndërtojmë 20 stadiume të futbollit, jo sikur në Britani aq të mëdha, më të vogla tetë mijë deri në nëntë mijë ulëse sepse ne do t’i organizojmë Lojërat Mesdhetare 2030 së bashku me Durrësin në Shqipëri”, tha ai.