Tregtarët e Tregut Industrial mësyjnë në Bashki, kërkojnë takim me përfaqësuesit vendorë

Tregtarët e Tregut Industrial në Vlorë janë mbledhur këtë mëngjes përpara Bashkisë, ndërsa më pas kanë hyrë në ambientet e saj, ku kanë kërkuar takim dhe diskutim me përfaqësuesit vendorë.

Shkak për këtë reagim është projekti që pritet të zhvillohet në zonën ku ata aktualisht ushtrojnë aktivitetin, për ndërtimin e një tregu të ri.

Tregtarët kërkojnë garanci që të mos mbeten pa punë dhe që bashkia t’u sigurojë një vend të përshtatshëm për zhvendosjen e aktivitetit të tyre, në mënyrë që të vijojnë punën pa ndërprerje.

Ata theksojnë se janë të hapur për dialog, por presin një zgjidhje konkrete dhe afatgjatë nga institucionet përgjegjëse.

Brenda bashkisë së Vlorës tregtarët kanë pasur një takim me nënkryetaren e bashkisë Irena Toshkallari, e cila i ka sqaruar për mënyrën se si do të veprohet në vazhdim.

Pas takimit me nënkryetaren ata janë larguar dhe kanë përfunduar protestën.