Zjarri përfshin hotelin luksoz në Francë, evakuohen 83 persona

Të paktën 83 persona u evakuuan pasi një zjarr përfshiu çatinë e një hoteli me pesë yje në vendpushimin e skive Courchevel në rajonin Savoy të Francës mbrëmë, thanë zjarrfikësit.

Zjarri shpërtheu gjatë natës dhe u përhap mbi çatinë e hotelit “Grand Alp”, dhe ekziston rreziku që flakët të përhapen në ndërtesat fqinje, raporton sot BFM TV.

Zjarrfikësit ende po përpiqen ta vënë zjarrin nën kontroll, ndërsa shtresat e trasha të borës e bëjnë të vështirë aksesin dhe kërkimin.

Prefektura e përshkroi ndërhyrjen si një “operacion kompleks”.

Deri më tani, nuk është raportuar për viktima.