Bruce Springsteen, një nga këngëtarët më me ndikim në muzikën botërore, i kushton këngë protestave në Minneapolis

Bruce Springsteen, i shoqëruar nga ish-gitarristi i grupit Rage Against the Machine, Tom Morello, ka performuar në një koncert bamirësie në Minneapolis, i organizuar për të mbështetur familjet e Renee Good dhe Alex Pretti.

Gjatë eventit, Tom Morello u bëri thirrje të pranishmëve të bashkohen me protestat mbarëkombëtare kundër ICE (Immigration and Customs Enforcement), ndërsa koncerti u shoqërua me mesazhe të forta politike dhe sociale.

Ndërkohë, Springsteen i ka dedikuar edhe një këngë protestave në Minneapolis. Kënga, e titulluar “Streets Of Minneapolis”, është publikuar në YouTube dy ditë më parë dhe trajton tensionet sociale dhe reagimet qytetare që kanë përfshirë qytetin.