U arrestuan nga ICE, 5-vjeçari Liam dhe babai i tij lirohen! Kthehen në shtëpi në Minneapolis

5-vjeçari, Liam Conejo Ramos i cili u arrestua rreth 10 ditë më parë nga agjentët e Imigracionit dhe Doganave (ICE) në Minesota, u kthye këtë të diele në shtëpi.

Arrestimi i djalit në një bastisje në Minneapolis shkaktoi zemërim në të gjithë vendin dhe më gjerë pasi i publikuan pamjet të vogëlushit me një agjent të veshur me të zeza në sfond. Dje, një gjyqtar i Teksasit vendosi që djali të lirohej, së bashku me të atin. 

Përfaqësuesi Joaquin Castro , një demokrat nga Teksasi, në një postim në “X” shpërndau një foto të djalit me prindërit e tij.

“Një baba dhe bir u liruan të shtunën nga një qendër paraburgimi familjar në Teksas dhe u kthyen në Minesota këtë mëngjes nga Castro. Nuk do të ndalemi derisa të gjitha familjet, të gjithë fëmijët, të jenë kthyer në shtëpi”, tha ai.

Departamenti i Sigurisë Kombëtare (DHS) tha se djali u arrestua gjatë një bastisjeje që synonte të atin. ICE është përballur me kritika për metodat e saj, të cilat konsiderohen brutale, dhe për vdekjen e dy protestuesve të qëlluar nga agjentët federalë në Minneapolis në janar.

Zëvendëspresidenti J.D. Vance tha se djali u mor në paraburgim nga ICE pasi babai i tij, të cilin Vance e përshkroi si një emigrant pa dokumente, iku për të shmangur arrestimin nga agjentët.