Manjani: Edhe SPAK dhe GJKKO kërkuan rritje page

Juristi Ylli Manjani tha në emisionin Now në Euronews Albania se edhe gjyqtarët e GJKKO dhe prokurorët e SPAK kanë kërkuar rritje të pagave.

Ai tregoi se kërkesa e gjyqtarëve lidhet me ndryshimin e ligjit në vitin 2023, që sipas tyre sjell pasoja financiare dhe pengon rritjen progresive të pagave për këtë kategori.

“Kërkesa e gjyqtarëve për pagat lidhet me heqjen e referencës së pagave të gjyqtarëve nga ajo e drejtorit të përgjithshëm në Këshillin e Ministrave me atë të presidentit të republikës. Kjo pasi pagat e shërbimit civil rriten më shpesh se paga e presidentit… I është bashkuar edhe SPAK dhe GJKKO. Kjo kërkesë do t’i prekë edhe ata, edhe vetë Gjykatën Kushtetuese qe ka rrogën më të lartë se presidenti”, tha Manjani.