Zjarr në një ndërtesë në New York, një i vdekur dhe 9 të plagosur

Një zjarr shpërtheu në një pallat apartamentesh në Queens, New York , duke rezultuar në vdekjen e një personi dhe plagosjen e të paktën nëntë personave të tjerëve.

Më shumë se 200 zjarrfikës nxituan në vendngjarje. Sipas njoftimit të Departamentit të Zjarrfikësve, zjarri thuhet se filloi në katin e parë dhe më pas u përhap në katet e tjera dhe në bodrum.

Katër persona u hodhën nga dritaret për të shpëtuar veten, ndërsa dy të tjerë u shpëtuan nga kati i dytë.

Një grua 34-vjeçare u gjet pa ndjenja në bodrum dhe më vonë u shpall e vdekur. Përveç saj, dy zjarrfikës u plagosën lehtë dhe gjashtë persona u dërguan në spital.