Komisionerja Suica do të përfaqësojë BE në takimin e Bordit të Paqes të Trump

16 Shkurt 2026 | 19:16

Komisionerja Evropiane për Mesdheun, Dubravka Šuica, do të udhëtojë drejt Washington, D.C. më vonë këtë javë për të marrë pjesë në takimin e parë zyrtar të Bordit të Paqes të presidentit amerikan Donald Trump, konfirmuan burime për Euronews.

Ky veprim sinjalizon se Komisioni Evropian nuk është i gatshëm të ndërpresë plotësisht bashkëpunimin me bordin e kryesuar nga Trump, edhe pse shumica e shteteve anëtare të BE-së kanë refuzuar një anëtarësim formal dhe kanë ngritur shqetësime ligjore mbi statutin dhe qeverisjen e tij.

Një zëdhënës i Komisionit Evropian bëri të ditur se Šuica do të marrë pjesë vetëm në “pjesën specifike” të takimit të dedikuar për Gazën. Sipas tij, pjesëmarrja e saj lidhet me “angazhimin afatgjatë të BE-së për të mbështetur armëpushimin” dhe përpjekjet ndërkombëtare për të ndihmuar rindërtimin dhe rimëkëmbjen pas luftës të territorit.

Zëdhënësi theksoi se ajo nuk po i bashkohet Bordit si anëtare zyrtare. Ndërkohë, një tjetër përfaqësues i Komisionit tha se shefja e politikës së jashtme të BE-së, Kaja Kallas, është në kontakt me qeveritë e vendeve anëtare për të koordinuar angazhimin e tyre me Bordin.

Sipas raportimeve, Italia, Rumania, Greqia dhe Qiproja kanë pranuar ftesat e administratës Trump për të marrë pjesë në cilësinë e “vëzhguesve”.

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026