BE: Greqia duhet të respektojë ligjet ndërkombëtare pavarësisht krizës kufitare

Athina duhet të respektojë ligjet ndërkombëtare pavarësisht krizës së emigrantëve në kufi, tha një zyrtar i lartë i BE-së.

Margaritis Schinas, zv.presidenti i Komisionit Europian ka folur teksa emigrantët vazhdojnë të vijnë në masë kufirin greko-turk.

Mijëra emigrantë janë drejtuar nga Bashkimi Europian pasi presidenti Recep Tayyip Erdoğan tha se nuk i ndalte dot më refugjatët që të largoheshin nga Turqia.

Por në kufirin midis Greqisë dhe Turqisë ka pasur raportime për dhunë.  

Të mërkurën, Turqia pretendoi se një emigrant ishte vrarë me armë zjarri teksa po kalonte në Greqi, ndërsa autoritetet greke i kanë hedhur poshtë këto akuza.

“Çdo gjë që ndodh në kufijtë tanë të jashtëm, duhet ndjekur në përputhje me ligjin”, tha politikani grek Schinas.

Ai tha se “kishte besim” që pavarësisht gjendjes së jashtëzakonshme, Athina mund ta menaxhojë situatën në përputhje me ligjin”.

Schinas gjithashtu tha se Europa nuk mund të dështojë dy herë mbi menaxhimin e azileve dhe kufijve, duke iu referuar krizës së 2015 kur rreth 1 milion emigrantë vërshuan drejt Bashkimit Europian.

“Unë guxoj të them se ky është shansi ynë i fundit. Europa nuk mund të dështojë dy herë në një objektivë kaq simbolike” tha ai, duke bërë thirrje gjithashtu që të shpërndahen burime të mjaftueshme tek pikat e kontrollit në kufi në buxhetin e ardhshëm afatgjatë të BE-së, i cili është duke u përpiluar.

When Europe is tested unity prevails. Unanimous support to the @EU_Commission action plan for Greece by all EU Ministers in extraordinary JHA Council tonight. Full solidarity with Greece. A Europe that protects, a Europe that delivers. https://t.co/J9cFsvArSH

— Margaritis Schinas (@MargSchinas) March 4, 2020