Moti i keq në Gjirokastër, rrëshqitje toke dhe ndërprerje të energjisë në disa zona

Gjatë orëve të para të ditës së sotme Qarku i Gjirokastrës është përfshirë nga moti i keq me reshje intensive shiu.

Sipas emergjencave civile, në rrugën kombëtare Tepelenë-Gjirokastër ka prezencë të inerteve, ndërsa qarkullimi i automjeteve nuk është ndërprerë.

Në Bashkinë Memaliaj rruga që shkon në fshatin Xhafaj, Njësia Administrative Buz është e bllokuar nga rrëshqitja e dherave. Defektet në rrjetin e shpërndarjes të shkaktuara nga era e fortë kanë lënë pa energji elektrike fshatrat në Njësinë Administrative Dropull i Sipërm, Bashkia Dropull dhe një pjesë të qytetit të Tepelenës.