Rivlerësimi i pronave ka ngecur, qeveria duhet të miratojë çmimet e referencës

Rivlerësimi i pronave me tatim të ulur 5% nga 15%, mbetet ende një proces i premtuar, edhe pse ka një ligj të botuar që në datën 22 janar që urdhëron zbatimin e tij.

Por pengesë për zbatimin e këtij ligji, për Ministrinë e Financave janë çmimet e referencës së shitblerjes së aparatmenteve, të cilat ende nuk janë miratuar nga Këshilli i Ministrave.

Për dikasterin, ato janë çuar në Kuvend dhe pasi të marrin dritën jeshile, do të nisë edhe rivlerësimi, nga i cili do të përfitojnë ulje tatimi pronarët që duan të shesin apartamentet e tyre, por do të çlirojë edhe tregun.

Në muajin korrik 2025 Ministria e Financave propozoi ndryshime në VKM me çmimet e referencës së pasurive të paluajtshme, duke përfshirë zona të reja për rrethet.

Sipas dokumentit, në tërësi për zonat rurale janë propozuar çmime fiskale të barabarta me çmimet aktuale që janë në fuqi për rrethet. Të gjitha ndryshimet me harta digjitale dhe tabela të përfunduara nga grupi i punës i janë dërguar për miratim Këshillit të Ministrave.

Me rishikimet që i janë bërë së fundmi çmimeve të referencës qeveria pritet të miratojë një ndarje të re të tyre, tashmë një hartë me 176 zona kadastrale, duke përfshirë më vetë për herë të parë edhe fshatrat.