Flick para Villarreal: Çdo ndeshje kërkon maksimumin, De Jong do të mungojë

Trajneri gjerman i Barcelona, Hansi Flick, vlerësoi situatën e skuadrës përpara sfidës së nesërme kundër Villarreal, duke paralajmëruar për cilësinë e lartë të kundërshtarit. Ai kujtoi fitore me fat në ndeshjen e fundit aty dhe theksoi nevojën për të luajtur sipas stilit të ekipit të tij, pa gabime të panevojshme.

Flick foli edhe për sfidat në Newcastle United në Ligën e Kampionëve, duke nënvizuar rëndësinë e respektit ndaj çdo kundërshtari. Për dëmtimin e Frenkie de Jong, trajneri tha se do të shihet se si mund të zëvendësohet, por mbajti fokusin tek pozitivet e skuadrës.

Në prag të ndeshjes së 100-të me Barcelonën, Flick përshkroi këtë si një nder dhe shprehu kënaqësinë për eksperiencën me lojtarët dhe tifozët. Ai gjithashtu foli për rëndësinë e lidershipit, për menaxhimin e mungesave dhe për mënyrën e trajtimit të gjobave dhe disiplinës brenda grupit, duke theksuar fokusin te puna e ekipit dhe performanca në fushë.

Flick përmendi edhe mundësinë e qëndrimit afatgjatë në klub: “Pse të mos qëndroj këtu për 100 ndeshje të tjera? E shijoj çdo ditë punën time dhe jam krenar për ekipin.”