Ministri i Jashtëm kinez thirrje Izraelit të ndalojë sulmet ndaj Iranit: Forca nuk i zgjidh problemet

Ministri i Jashtëm kinez, Wang Yi i bëri thirrje këtë të marte homologut të tij izraelit që të ndalojë menjëherë sulmet e Izraelit kundër Iranit.

“Kina bën thirrje për ndërprerje të menjëhershme të operacioneve ushtarake për të parandaluar zgjerimin e mëtejshëm të konfliktit dhe bërjen e tij të pakontrollueshëm”, tha ai.

Ministri theksoi se Kina kundërshton çdo sulm ushtarak të nisur nga Izraeli dhe SHBA-të kundër Iranit pasi sipas tij forca nuk mund t’i zgjidhë vërtet problemet, vetëm të krijojë probleme të reja dhe të ketë pasoja serioze.

“Negociatat e fundit midis Iranit dhe SHBA-së po bënin përparim të dukshëm. Fatkeqësisht, ky proces u ndërpre nga bombardimet”, kritikoi Wang, ndërsa Teherani aktualisht po intensifikon sulmet e tij duke synuar pozicionet e lidhura me SHBA-në në Gjirin Persik.