Operacioni në Vlorë, komunikimet në Sky Ecc zbardhën episode kriminale! Disa të ndaluar jashtë Shqipërisë

Detaje të reja janë zbardhur lidhur me operacionin që po zhvillohet këtë të shtunë në qytetin e Vlorës në zonën e Ujit të Ftohtë.

Sipas burimeve paraprake nga zbardhja e komunikimeve në Sky Ecc janë zbardhur episode kriminale, ndër to një si vrasje dhe trafik droge. Gjithashtu sipas informacioneve paraprake janë ndaluar edhe persona jashtë Shqipërisë.

SPAK gjithashtu ka firmosur 7 urdhër arreste, mes të cilëve edhe për Flodian Plakun i arrestuar më herët për vrasjen e Gentjan Bejtaj. RENEA mësohet se gjatë këtij operacioni është në kërkim të Ervis Matodoshaj.

Burime nga policia e Vlorës bëjnë me dije se prej kohësh eksponentë të dyshuar kriminal janë mbajtur nën vëzhgim duke ndërhyrë këtë të shtunë për kapjen e tyre.