Tajlanda dhe Vietnami promovojnë punën nga shtëpia për të përballuar rritjen e çmimeve të karburantit

Tailanda dhe Vietnami i kanë inkurajuar punonjësit publikë të punojnë nga shtëpia dhe të ndërmarrin masa të tjera për kursimin e energjisë, ndërsa lufta në Lindjen e Mesme ndërpreu furnizimet me naftë dhe bëri që çmimet e karburantit të luhateshin.

Autoritetet tajlandeze thanë se punonjësit qeveritarë duhet të kalojnë në punë nga distanca sa herë që është e mundur dhe kërkuan që zyrat qeveritare t’i vendosin kondicionerët në 26 gradë Celsius për të kursyer energji. Gjithashtu, u bënë thirrje zyrtarëve të shmangin udhëtimet jashtë vendit.

Në Vietnam, qeveria ka hequr taksat për shumë produkte të importuara të naftës në një përpjekje për të parandaluar mungesat e karburantit dhe për të stabilizuar tregun vendas.

Gjithashtu i inkurajoi kompanitë që t’u lejojnë punonjësve të punojnë nga shtëpia “sa herë që është e mundur” për të lehtësuar kërkesën për karburant. Hanoi gjithashtu rekomandoi që publiku të kufizojë përdorimin e automjeteve personale dhe në vend të kësaj të zgjedhë transportin publik, çiklizmin ose përdorimin e përbashkët të makinave.