Sulm me dron në Emiratet e Bashkuara Arabe, zjarr në zonën industriale të naftës “Fujairah”

Një zjarr shpërtheu në zonën industriale të naftës Fujairah të Emirateve të Bashkuara Arabe, pasi ajo u shënjestrua në një sulm me dron. Nga ky sulm mësohet se nuk pati të lënduar.

“Ekipet e mbrojtjes civile në emirat menjëherë u morën me incidentin dhe po vazhdojnë përpjekjet e tyre për ta kontrolluar atë”, tha zyra e medias në Fujairah.

Porti i Fujairah është një qendër kyçe nafte e Emirateve të Bashkuara Arabe. Fujairah eksportoi mesatarisht më shumë se 1.7 milion fuçi në ditë naftë bruto dhe lëndë djegëse të rafinuara vitin e kaluar.

Ushtria e Iranit kishte paralajmëruar më parë se do të synonte portet e Emirateve të Bashkuara Arabe në hakmarrje për një sulm në ishullin Kharg, që zyrtarët iranianë pretenduan se erdhi nga territori i Emirateve të Bashkuara Arabe.